PANAGHOY 5

+DALANGING PAGHINGI NG AWA+

GUNITAIN MO YHWH ANG NANGYARI SA AMIN;
MALASIN MO ANG SINAPIT NAMING KAHIHIYAN!
ANG AMING MANA'Y IBINIGAY SA MGA DAYUHAN,
AT ANG AMING MGA TAHANAN NAMA'Y IPINAGKALOOB
SA MGA TAGA-IBANG BAYAN.
ANG AMING MGA AMA'Y PINATAY NG MGA KAAWAY;
KAYA BALO ANG AMING MGA INA.
KAILANGANG BAYARAN NAMIN ANG TUBIG NA AMING
IINUMIN, PATI ANG PANGGATONG AY AMING BINIBILI.
PINAGTRABAHO KAMING PARANG MGA HAYOP,
HINDI MAN LANG PINAGPAHINGA;
PARA MAGKAROON NG SAPAT NA PAGKAIN,
AY HALOS MAGPALIMOS KAMI SA EGYPTO AT ASIRIA.
NAGKASALA ANG AMING MGA MAGULANG.
AT NGAYONG WALA NA SILA AY KAMI ANG NAGDURUSA.
MGA ALIPINANG NAMAMAHALA SA AMIN;
WALANG MAKAPAGLIGTAS SA AMIN MULA SA KANILANG
MGA KAMAY. NALALAGAY SA PANGANIB ANG AMING BUHAY
SA PAGHAHANAP NG MAKAKAIN, DAHIL SA AMING MGA KAAWAY.
DAHIL SA MATINDING GUTOM, NAG-AAPOY ANG AMING KATAWAN,
PARA KAMING NAKALAGAY SA PUGON.
ANG AMING MGA MAYBAHAY AY GINAHASA SA SION,
ANG MGA DALAGA'Y PINAGSASAMANTALAHAN SA MGA BAYAN
NG JUDA.GINAGAPOS AT BINIBITIN ANG MGA PINUNO;
HINDI NA PINAKUKUNDANGANAN ANG MATATANDA.
ANG MGA KABATAANG LALAKI'Y PINAGIGILING NA PARANG ALIPIN,
NAKUKUBA SA PASAN NILANG KAHOY ANG MGA BATANG LALAKI.
AYAW NANG MAGPULONG ANG MATATANDA NG BAYAN,
AYAW NANG TUMUGTOG NG MGA KABATAAN.
NAPARAM SA KAGALAKAN ANG AMING PUSO;
ANG AMING PAGSASAYA AY NAGING PAGDADALAMHATI.
WALANG NALALABI SA AMING IPINAGMAMALAKI;
TAYO'Y NAGKASALA AT NGAYO'Y NAGDURUSA!
NANLUPAYPAY KAMI, AT NAGSILIM ANG AMING PANINGIN.
PAGKAT INIWAN NG TAO ANG BUNDOK NG SION,
MGA ASONG-GUBAT NA LAMANG ANG NANINIRAHAN DOON.
NGUNIT IKAW, O YHWH, ANG HARI MAGPAKAILANMAN,
NANANATILI SA LAHAT NG SALINLAHI ANG IYONG LUKLUKAN.
KAY TAGAL MO KAMING PINABAYAAN, KAILAN MO KAMI
AALALAHANIN ULI?
IBALIK MO KAMI SA DATING KAUGNAYAN SA IYO!
TALAGA BANG ITINAKWIL MO NA KAMI?
SUKDULAN NA BANG TALAGA ANG GALIT MO SA AMIN?