PROPHETA ZACARIAS 3

+ANG PANGITAIN TUNGKOL KAY JOSUE+

IPINAKITA SA AKIN NI YHWH ANG PUNONG SACERDOTENG SI JOSUE.
NAKATAYO ITO SA HARAPAN NG ANGHEL NI YHWH AT ISASAKDAL NI
SATANAS NA NOO'Y NASA KANYANG KANAN. SINABI NG ANGHEL KAY
SATANAS, "PARUSAHAN KA NAWA NI YHWH NA HUMIRANG SA
JERUSALEM. ANG TAONG 'YAN AY ISA SA MGA INILIGTAS NIYA."
SI JOSUE NGA AY NAKATAYO SA HARAPAN NG ANGHEL, MARUMI
ANG KANYANG DAMIT. SINABI NG ANGHEL SA MGA NAROON,
"HUBARIN ANG GULANIT NIYANG KASUUTAN."
BUMALING SIYA KAY JOSUE AT SINABI, "NILINIS NA KITA SA IYONG
KASAMAAN AT NGAYO'Y BIBIHISAN NG MAGARANG KASUUTAN."
BUMALING ULI ANG ANGHEL SA KANYANG INUTUSAN AT SINABI,
"SUUTAN MO SIYA NG MALINIS NA TURBANTE."
GAYON NGA ANG GINAWA NITO. AT BINIHISAN NILA SI JOSUE
HABANG NAKAMASID ANG ANGHEL NI YHWH.
PAGKATAPOS, SI JOSUE AY TINAGUBILINAN NG ANGHEL NI YHWH.
ITO ANG IPINASASABI NI YHWH: "KUNG LALAKAD KA SA AKING
MGA LANDAS AT IYONG SUSUNDIN ANG MGA UTOS KO, IKAW ANG
PAMAMAHALAIN KO SA AKING TEMPLO AT SA BUONG PALIGID NITO.
BUKOD DOON, DIRINGGIN KO ANG MGA DALANGIN MO TULAD NG
PAGDINIG KO SA DALANGIN NG MGA ANGHEL NA ITO.
JOSUE, MAKINIG KA: IKAW AT ANG MGA KATULONG MONG SACERDOTE
AY LARAWAN NG MGA PANGYAYARI SA HINAHARAP.
PALILITAWIN KO NA ANG AKING LINGKOD, ANG SUPLING.
AT ANG BATONG IBIBIGAY KO SA IYO, ANG BATONG MAY PITONG SINAG,
AT TATABASIN UPANG GUMANDA. AT SA LOOB NG ISANG ARAW,
LILINISIN KO ANG KASAMAAN NG BUONG LUPAIN.
SA ARAW NA YAON, AANYAYAHAN NG BAWAT ISA SA INYO ANG
KANYANG KAIBIGAN UPANG MAGSAMA-SAMA SA UBASAN NINYO
AT SA ILALIM NG INYONG PUNONG IGOS."