PROPHETA ISIAS 21

+ANG PAGBAGSAK NG BABILONIA+

PAHAYAG TUNGKOL SA KAPATAGAN SA TABI NG DAGAT.
PARANG IPU-IPONG DUMARATING MULA SA ILANG
ANG PAGKAWASAK NG ISANG MALUPIT NA BANSA.
NAKITA KO ANG ISANG PANGITAING PUNO NG KATAKSILAN
AT KAPAHAMAKAN.
HUKBO NG ELAM SUMALAKAY KA!
MEDIA KUBKUBIN MO ANG MGA LUNSOD.
WAWAKASAN KO NA ANG PAGHIHIRAP NG BABILONIA.
DAHIL DITO PINAGHARIAN AKO NG TAKOT.
NAKADAMA AKO NG MATINDING HIRAP, TULAD NG ISANG
BABAENG NANGANGANAK.
TAKOT NA TAKOT AKO, DI KO MALAMAN ANG GAGAWIN,
ANG PANANABIK KO SA TAKIPSILIM AY NAUWI SA PAGKASINDAK.
SA AKING PANGITAIN AY MAY MALAKING PIGING,
NAKALATAG NA ANG ALPOMBRANG UPUAN NG MGA PANAUHIN,
SILA'Y NAGKAKAINAN AT NAG-IINUMAN,
BIGLANG NARINIG ANG ISANG UTOS:
"TINDIG KAYO MGA PINUNO AT IHANDA ANG MGA KALASAG."
SAPAGKAT GANITO ANG SINABI SA SKIN NI YHWH:
"LUMAKAD KA NA AT MAGLAGAY NG BANTAY
NA MAGBABALITA KUNG ANO ANG KANYANG NAKIKITA.
KUNG MAKAKITA SIYA NG MGA KAWAL NA KABAYUHAN
NA DUMARATING NA DALA-DALAWA,
MGA KAWAL NA NAKASAKAY SA ASNO AT CAMELYO,
MANMANAN NIYANG MABUTI."
SUMIGAW ANG BANTAY: "NASA TORE PO AKO MAGHAPON MAGDAMAG."
WALANG ANU-ANO'Y NAGDATINGAN ANG MGA KABAYUHAN DALA-DALAWA
AT MAY SUMIGAW: "BUMAGSAK NA ANG BABILONIA AT NAGKADURUG-DUROG
ANG KANYANG MGA DIOS-DIOSAN!"
BAYAN KO MATAGAL NANG IKAW AY TILA TRIGONG GINIGIIK
MAY MAGANDANG BALITA AKO SA IYO MULA KAY YHWH
ANG MAKAPANGYARIHANG DIOS NG ISRAEL.