PROPHETA ISIAS 5

+ANG KASAMAAN NG TAO+

KAWAWA KAYO NA MGA LAGING NAGHAHANGAD NG MARAMING BAHAY
AT DAGDAG NA BUKIRIN HANGGANG SA MAKUHA ANG LAHAT NG LUPAIN.
SINABI SA AKIN NI YHWH: MALALAKI AT NAGGAGANDAHANG MGA BAHAY
AY MAIIWANG WALANG NAKATIRA. AT SA BAWAT WALONG HECTARIA NG
UBASAN AY LIMANG GALON LAMANG ANG MAKUKUHANG ALAK.
BAWAT SAMPUNG KABANG INIHASIK, ISANG KABAN LAMANG ANG AANIHIN.

KAWAWA ANG MGA MAAGANG BUMANGON AT INUMAN AGAD ANG KANILANG
HABOL; HANGGANG SA MAKALAMPAS ANG DAPIT-HAPON ALAK PA RI'T ALAK
YAONG INIINOM. TUGTOG NG KUDYAPI SA SALIW NG ALPA, TUNOG NG TAMBURIN
AT HIMIG NG PLAUTA, AT SAGANANG ALAK ANG LIBANGAN NILA.
GINHAWA NI YHWH'Y HINDI ALINTANA.

KAYA ANG BAYAN KO'Y MADADALANG BIHAG DAHIL NGA SA KANYANG
PAG-AASAL-BULAG. DARANAS NG GUTOM ANG MGA PINUNO AT MATINDING
UHAW ANG MARAMING TAO. DAGLING MABUBUKSAN BUNGANGA NG SHEOL,
PARANG DAMBUHALANG GUTOM NA GUTOM, MULA SA MGA MAHARLIKANG
TAGA-JERUSALEM PATI KARANIWA'Y KANYANG LALAMUNIN.
ANG LAHAT NG TAO'Y MAPAPAHIYA, ANG MGA PALALO'Y PAWANG IBABABA.
AT ITONG SI YHWH NA MAKAPANGYARIHAN AY DADAKILAIN SA KANYANG PAGHATOL. SA PAGPAPAKITA NIYONG KATARUNGAN AY MAKIKILALA ANG DIOS
NA BANAL. SA TABI NG GUHO AY MANGINGINAIN ANG MGA KORDERO,
MATATABANG BAKA AT MUMUNTING KAMBING.

KAWAWA KAYO, MGA MAKASALANAN NA HINDI MAKAALIS SA INYONG KASAMAAN.
SINABI NINYO: "DALI-DALIAN MO NANG AMING MAKITA ANG IYONG GAGAWIN;
MAGANAP NA SANA ANG PANUKALA MO, BANAL NG ISRAEL, NANG MALAMAN
NAMIN."

KAWAWA KAYO, MGA BALIGTAD ANG ISIP!
ANG MABUTING GAWA AY MINAMASAMA,
ANG MASAMA NAMAM AY MINAMABUTI,
ANG KALIWANAGA'Y INAARING DILIM
AT ANG KADILIMA'Y LIWANAG ANG TURING.
MAPAIT NA APDO ANG SABI'Y MATAMIS
AT ANG MATAMIS AY MINAMAPAIT.

KAWAWA RIN KAYO, MGA AKALANG KAYO AY MARUNONG
AT MATATALINO ANG INYONG PALAGAY SA INYONG SARILI!

KAWAWA KAYO, MGA NANGUNGUNA SA PAG-IINUMAN,
MGA DALUBHASA SA GAWANG MAGHALO NG INUMING ALAK;
PINAKAKAWALAN ANG MAY KASALANAN NANG DAHIL SA SUHOL
AT ANG KATARUNGA'Y IPINAGKAKAIT SA TAONG MATUWID.
ANG PINAGGAPASAN NG TRIGO AT DAYAMING TUYO'Y KAKANIN NG APOY,
ANG BULAKLAK NILA'Y PARANG ALIKABOK NA PAIILANLANG MATAPOS MASUNOG,
AT ANG UGAT NILA'Y DAGLING MABUBULOK.
ANG DAHILAN NITO'Y TINALIKDAN NILA ANG BATAS NG DIOS NA MAKAPANGYARIHAN, AT ANG SALITA NG BANAL NG ISRAEL KANILANG
WINALANG-HALAGA.
ANUPA'T SA LAKI NG GALIT NI YHWH AY PARURUSAHAN ANG KANYANG BAYAN.
YAYANIG ANG BUNDOK; KAKALAT ANG BANGKAY, MATATAMBAK NA ANIMO'Y
BASURA SA LANSANGAN. NGUNIT POOT NIYA'Y HINDI PA NAGLUBAG,
NAKAAMBA PARIN ANG KANYANG PANGHAMPAS.

HUHUDYATAN NIYA ANG ISANG BAYAN SA DULO NG DAIGDIG AT MADALING-MADALI ITONG LALAPIT; ISA MAN SA KANILA'Y HINDI MAPAPAGOD
NI MAKAKATULOG O MADUDUPILAS; WALANG PAMIGKIS NA MALUWAG
NI LAGOT NA TALI NG PANYAPAK.
MATUTULIS ANG KANILANG PALASO AT BANAT ANG KANILANG BUSOG;
ANG KUKO NG KANILANG KABAYO'Y KASING TIGAS NG BACAL
AT HUMAHAGIBIS ANG KANILANG SASAKYAN.
ANG HIYAWAN NILA'Y PARANG ATUNGAL NG LEON NA NAKAPATAY NG KANYANG
BIKTIMA AT DINADALA ITO SA MALAYONG LUGAR NA WALANG MAKAAGAW.
SA ARAW NA IYON AY SISIGAWAN NILA ANG ISRAEL NA PARANG UGONG NG DAGAT.
ANG LUPAIN AY SAKMAL NG KADILIMAN AT KAPIGHATIAN,
ANG LIWANAG AY NATAKPAN NG MAKAPAL NA ULAP.